Mezzanott de Natal

Testo di Massimo Marchesotti
Musica di Piero Soffici

Mezzanott, andèmm andèmm
a la grota de Betlèmm,
sü la paja l’é nassü
bell ‘me un fiur Bambin Gesü.

A l’è biòtt e disquatàa
per scaldàll a ghé fan fiàa
un bel boeu e un bel asnin
per scaldàa Gesü Bambin.

Nina nana, nina oh.
Nina nana, nina oh.

E la gent tüta in geneucc
par ch’el mangen cunt i oecc
la stà lì in adurassiùn
incantada e in gran passiùn.

Cunt la piva el pasturell
fà la nenia al Bambinell,
nina nana e avanti indrée
e lü ‘l dòrma cume un belée.

Nina nana, nina oh.
Nina nana, nina oh.