Joska la rossa
Carlo Geminiani – Bepi De Marzi
El muro bianco, drío de la to casa
ti te saltavi come un oselèto,
Joska la rossa, pèle de bombasa,
tute le sere prima de ‘na in leto.
Te stavi lì, co le to scarpe rote
te ne vardavi drio da j’ oci mori
e te balavi alegra tuta note
e i baldi alpini te cantava i cori. Oh…
Joska, Joska, Joska, salta la mura! Fin che la dura, oh.
Joska, Joska, Joska, salta la mura! Bala con mi!
Ti te portavi el sole ogni matina,
e degli alpini te geri la morosa,
sorela, mama, boca canterina,
oci del sol, meravigliosa rosa.
Xe tanto e tanto nù, ca te zerchémo,
Joska la rossa, amor, rosa spanía.
Ma dove sito andà? Ma dove andemo?
Semo ramenghi. O morti. E così sia. Oh…
Joska, Joska, Joska, salta la mura! Fin che la dura, oh.
Joska, Joska, Joska, salta la mura! Bala con mi!
Busa con crose. Sarà sta i putéi?
La par ‘na bara e invece zé ‘na cuna.
E dentro dorme tuti i to fradei,
fermi, impalà, co i oci ne la luna.
Joska, Joska, Joska, salta la mura! Fin che la dura, oh.
Joska, Joska, Joska, salta la mura! Fermate là.
Fermate là.
